Саламаттык сактоо министринин орун басары Жаркынбек Касымбеков кызматынан бошотулду
Саламаттык сактоо министринин орун басары Жаркынбек Касымбеков кызматынан бошотулду. Кабарды министрликтин маалымат кызматы тастыктады.
Касымбеков бул кызматка ушул жылдын 4-июнунда мурдагы министр Алымкадыр Бейшеналиевге кылмыш иши козголуп, жумуштан четтетилгенден кийин дайындалып, ага министрдин милдетин аткаруу да жүктөлгөн.
Министрликке жаны жетекчи болуп 23-августта Гүлнара Баатырова дайындалып, Касымбеков орун басар катары иштеп келген.
Касымбековдун кызматтан кетишинин себеби жана анын ордуна ким келери айтылган жок.
