Кыргызстандын алтын өндүргөн ишканалары бюджетке 158 млрд сом төктү
2020-2024-жылдар аралыгында Кыргызстандын бюджетине 160 кен казуучу компаниядан 147,5 миллиард сомго жакын салык которулган.
Мамлекеттик салык кызматынын маалыматы боюнча, 2025-жылдын биринчи кварталында бюджетке кошумча 10,8 миллиард сом түшкөн.
Жалпысынан алтын өндүрүүчү компаниялар 158 миллиард сомдон ашык төлөшкөн.
Жылдар боюнча карай турган болсок, 2020-жылы алтын өндүрүүчү компаниялар 16,9 миллиард сом төлөшсө, 2021-жылы 21,6 миллиард сом төлөп, 2022-жылы рекорддук сумма 41,1 миллиард сом болгон. 2023-жылы бул көрсөткүч 32,5 миллиард сом болсо, 2024-жылы жалпысынан 35,4 миллиард сом чогултулган.
