ЖОЖдорго абитуриенттерди кабыл алуунун I туру башталды
Бүгүн, 18-июлда жогорку окуу жайларга абитуриенттерди кабыл алуунун I туру башталды.
Билим берүү жана илим министрлигинин маалыматына ылайык, биринчи тур 20-июль саат 14.00дө аяктайт.
Абитуриенттер ЖОЖго тапшыруу жана сынакка катышуу үчүн “Абитуриент Онлайн” автоматташтырылган маалыматтык тутумунун https://2020.edu.gov.kg/vuz сайтына катталуусу керек.
Жогорку окуу жайларга кабыл алуунун графиги төмөндөгүдөй:
– I тур – 18-июль саат 8:00дөн 20-июль саат 14:00гө чейин;
– II тур – 25-июль саат 8:00дөн 27-июль саат 14:00гө чейин;
– III тур – 1-август саат 8:00дөн 8-август 14:00гө чейин;
– IV тур – 8-август саат 8:00дөн 10-август күнү 14:00гө чейин;
– V тур – 15-август саат 8:00дөн 20-август күнү 14:00гө чейин.
