Жаза аткаруу кызматынын жоокерлери аскердик ант берди

Юстиция министрлигинин Жаза аткаруу кызматынын Кайтаруу жана күзөтүү департаментинин ДОКтун окуу роталарынын жоокерлеринин аскердик ант берүү аземи болуп өттү.

Бишкекте жайгашкан жеринде Ата Мекендин алдында ант берүү салтанаттуу аземинен кийин, Чүй облусунун Молдовановка (№ 1 мекеменин жанында) жана Беловодское (№ 16 мекеменин жанында) айылдарында, ошондой эле башка жерлерде жайгашкан ДОКтун окуу роталарынын жоокерлеринин аскердик ант берүү аземи өттү.

Чакырылгандар жаш жоокердин даярдоо программасынын курсун аякташты, анда алар армиянын жашоосуна, анын күнүмдүк тартибине көнүп, аскердик уставдын жоболорун жана алардын функционалдык милдеттерин үйрөнүштү.

Молдовановкадагы жаш толуктоодон 100дөн ашуун жоокердин катышуусундагы иш-чарага алардын жакындары жана жакынкы түзөтүү мекемелеринин жетекчилери, Жаза аткаруу кызматынын ардагерлери чакырылган.

ЖАКнын төрагасы Аскат Эгембердиев аскер кызматкерлерин алардын жашоосундагы маанилүү окуя менен куттуктады.

Ал белгилегендей, Улуу Ата Мекендик согуштан бери 80 жыл бою ДОКтун курамында кызмат өтөп, кылмыштуу элементтерди ишенимдүү изоляциялоо, мекемелерди коргоо, жалпы элдин коопсуздугун камсыздоо боюнча конкреттүү милдеттерди аткаруу чоң сыймык жана жоопкерчилик экенин белгиледи.

ДОКто ар бир жоокерден жогорку моралдык-психологиялык туруктуулук, кыраакылык жана ар кандай, кээде өтө коркунучтуу жагдайларда тез реакция кылуу талап кылынат.

“Бүгүн аскердик ант берип жатып, өзүңөрдүн туруктуулугуңарды жана эрдигиңерди сыноого даяр болгула, өлкөбүздүн элинин бейпил турмушун коргоо боюнча ыйык милдетиңерди татыктуу аткаргыла”, – деди Аскат Эгембердиев.

Ошондой эле майрамдык акциянын жүрүшүндө конокторго казарманын жана ашкананын оңдоп-түзөөдөн өткөн жайлары көрсөтүлүп, жандуу концерт жана жоокерлердин саптык ыр, куралды колдонуу ыкмалары көрсөтүлдү.