Жалал-Абад шаарында электробустар толук каттамга чыкты
Жалал-Абад шаардык мэриясы тарабынан сатып алынган 10 даана электробус каттамга чыкты. Бул тууралуу Жалал-Абад шаардык мэриясынын маалымат борборунан маалымдашты.
Алар учурда шаардагы №10 каттамда жүргүнчүлөрдү тейлеп жатат.
Электробустар күйүүчү майлар менен жүргөн автобустарга караганда каражатты 60%га чейин үнөмдөйт. Тагыраагы, бир электробус 450 сом менен толук кубатталат. Ал үчүн 6 автобусту бир учурда кубаттоочу 3 жабдык орнотулган.
Белгилей кетсек, шаарга жалпы суммасы 118,5 млн. сомго 10 даана электобус кубаттагычтары менен сатып алынган. Каражаттын 100 млн. сому республикалык бюджеттен, ал эми калган каражат жергиликтүү бюджеттен бөлүнгөн.
