Садыр Жапаров X соцтармагындагы баракчасын жеке өзү колдонот
Президент Садыр Жапаров X (Twitter) социалдык тармагындагы баракчасын өзү колдонот, – деп жазды өлкө башчысынын басма сөз катчысы Аскат Алагөзов Фейзбуктагы баракчасына.
Анын маалыматына караганда, мамлекет башысынын X тармагындагы аккаунту тууралуу “Фейк эмеспи” деген көптөгөн суроолор түшүүдө.
“Сиздерге маалымат үчүн билдирип коёлу, президент Садыр Жапаров чын эле X (Twitter’де) расмий баракча ачып, аны жеке өзү колдонуп жатат.
Twitter — коомчулук жана эл аралык коомчулук менен ыкчам, ачык жана түз байланышуу үчүн эң эффективдүү платформалардын бири болуп эсептелет.
Учурдан пайдаланып, урматтуу ЖМК өкүлдөрүн жана соцтармак колдонуучуларын расмий аккаунтка жазылууга чакырам: https://x.com/sadyrzhaparovkg“, – деп жазды ал.
