Путин Россияда мигранттарды адаптациялоо маселесин чечүүнү тапшырды
Россияга эмгек мигранттары келген өлкөлөрдүн лидерлери өз жарандарын Россияда иштөөгө жана жашоого биргелешип даярдоого кызыкдар. Бул тууралуу Россиянын президенти Владимир Путин Ички иштер министринин биринчи орун басары, чет өлкөлүк жарандардын жарандыгы жана каттоо маселелери боюнча кызматынын жетекчиси Андрей Кикоть менен жолугушууда билдирди, – деп жазды ТАСС агенттиги.
Путиндин айтымында, эмгек мигранттарын негизинен жөнөткөн өлкөлөрдүн өкүлдөрү Россия тарап менен биргеликте өлкөгө иштөө үчүн келүүнү пландаган жарандарды эмгек ишмердигине жана Россиядагы жашоого адаптациялоого даярдоого кызыкдар.
Анын белгилешинче, мигранттар Россияга келгенге чейин эле орус тилин үйрөнүүсүнө өзгөчө көңүл буруу зарыл. Чет өлкөлүк өнөктөштөр бул багытка көмөк көрсөтүүгө, анын ичинде орус тили мугалимдеринин санын көбөйтүүгө жана балдарга керектүү билим алууга шарт түзүүгө даяр.
Путин бул маселелерди чечүүгө өкмөттүн бардык курамы катышышы керектигин белгилеп, Кикотько тиешелүү иштерди министрлер кабинетинде баштоону тапшырды.
