Президент Садыр Жапаров бокс боюнча Дүйнө чемпионатында коло медалга ээ болгон спортчу Мунарбек Сейитбек уулуну жеңиши менен куттуктады

Президент Садыр Жапаров бокс боюнча Дүйнө чемпионатында коло медалга ээ болгон спортчу Мунарбек Сейитбек уулуну жеңиши менен куттуктады.

“Бул жолу Мунарбек Сейитбек уулун кыргыз элинин жана өзүмдүн атымдан коло медаль жеңип алышы менен куттуктайм!

Бул Кыргызстандын жаңы тарыхында бокс боюнча дүйнө чемпионатындагы биринчи байгелүү орун.

Мушкерибиз көпчүлүккө Союз маалында атагы алыска кеткен кыргыз бокс мектебинин кайра жандануусунан кабар бергендей таасир калтырды десем жаңылышпайм.

Спортто өйдө-ылдый болуп турат. Коло болсо да бул кыргыз спорту, айрыкча жаш спортчулар үчүн чоң дем шыкак болуп берсе, жалпы спорт ышкыбоздору үчүн чоң сыймык.

Мушкерибизге чың ден соолук жана алдыдагы мелдештерине спорттук ийгилик каалайм!”,- деп билдирди.