Оштогу “Курманжан-Датка” МАБында балдардын жайкы эс алуусу уюштурулду
Ош шаарынын мэри Алмаз Мамбетовдун тапшырмасына ылайык, бардык МАБдарда балдардын жайкы эс алуусун уюштуруу боюнча долбоор ишке ашырылууда.
Ош шаардык мэриясынын басма сөз кызматынан кабарлашкандай, күн мурун “Курманжан-Датка” муниципалдык аймактык башкармалыгында балдар үчүн оюн-зоок программасы уюштурулуп, анын жүрүшүндө “Иллюзия” балдар оюн-зоок комплексинде балдар үчүн иш-чаралар өткөрүлдү.
Мындан тышкары, балдар үчүн шаардагы чоң кинотеатрлардын биринде мультфильмдер көрсөтүлдү. Бардык балдарга таттуулар, балмуздак берилип, тамактанышты.
Бул иш-чараларга катышуу үчүн калктын аз камсыз болгон, социалдык жактан аялуу катмарындагы балдарга өзгөчө көңүл бурулат, алар МАБ жана тиешелүү органдар аркылуу чакырылат.
