Ноокенде милициянын аймактык заманбап пункту курулду
![Ноокенде милициянын аймактык заманбап пункту курулду](https://eltr.kg/wp-content/uploads/2022/08/297100595_3204441599884324_3858461093491756912_n-850x560.jpg)
Элге сервистик тейлөө көрсөтүү максатында Момбеков айыл аймагында Ноокен райондук ички иштер бөлүмүнүн аймактык пункту курулду. Бул тууралуу Жалал-Абад облустук ички иштер башкармалыгынын басма сөз кызматы билдирди.
Маалыматка ылайык, имаратка 4 сотых жер ажыратылып, Ноокен районунун Момбеков айыл өкмөтү тарабынан каржыланган.
“Милиция пункту Бишкек-Ош автожолунун боюнда жайгашып, трасса аркылуу каттаган сырткы жана ички туристтердин, жергиликтүү тургундардын кайрылууларын кабыл алат”, – деп айтылат маалыматта.
Белгиленгендей, ммараттын сыртына видеокамералар орнотулуп, нөөмөттө турган кызматкер көзөмөлдөнгөн компьютерге туташтырылган.
Милициянын аймактык пункту жакынкы күндөрү пайдаланууга берилет.