Кыргызстандарт түзүлгөндүгүнүн 95 жылдыгын белгилөөдө
Бүгүн, 24-октябрда Улуттук тарых музейинин имаратында Экономика жана коммерция министрлигинин алдындагы Стандартташтыруу жана метрология борборунун (Кыргызстандарт) түзүлгөндүгүнүн 95 жылдыгына арналган салтанаттуу иш-чара болуп өттү.
Иш-чарада экономика жана коммерция министри Данияр Амангелдиев куттуктоо сөзү менен чыгып сүйлөдү.
“Урматтуу стандартташтыруу жана метрология тармагынын кызматкерлери, коноктор, кесиптештер, достор!
Бүгүн өтүп жаткан салтанаттуу мааракелик иш-чара кесиптик майрамга – Кыргыз Республикасынын стандартташтыруу жана метрология кызматкерлеринин күнүнө арналган. Быйыл Кыргыз Республикасынын стандартташтыруу жана метрология улуттук системасынын түзүлгөнүнө 95 жыл толду.
Стандартташтыруу жана метрология чөйрөсү жаңы технологияларды киргизүүдө, продукциянын жаңы түрлөрүн иштеп чыгууну жана өндүрүүнү стимулдаштырууда, өлкөбүздүн экономикасынын тынымсыз өнүгүшүн камсыз кылууда чоң роль ойнойт. Стандарттарды, метрологияны жана сертификациялоо инструменттерин колдонуу ата мекендик товарларды ички жана тышкы рынокто эффективдүү жылдырууга, өз ара пайдалуу сооданы өнүктүрүүдө техникалык тоскоолдуктарды жоюуга, тышкы рыноктордо ата мекендик товарлардын атаандаштыкка жөндөмдүүлүгүн жогорулатууга, анын ичинде Евразиялык экономикалык биримдиктин рыногунда кыргызстандык керектөөчүлөрдүн кызыкчылыгын коргойт”, – деп баса белгиледи министр.
“Биздин кесиптик ишмердүүлүк чөйрөсү – бул мамлекеттик экономиканын уникалдуу чөйрөсү, анын максаттары адамдардын, жаныбарлардын жана өсүмдүктөрдүн коопсуздугун камсыз кылуу, менчикти коргоо жана айлана-чөйрөнү коргоо. Сиздердин ишиңиздер соодадагы техникалык тоскоолдуктардан арылууга, Кыргызстандагы бардык өлчөөлөрдүн ишенимдүүлүгүн камсыздоого, стандартташтыруу объектилеринин алардын максатына ылайык келиши жана жаратылыш ресурстарын сарамжалдуу пайдалануу үчүн шарттарды түзүүгө багытталган, бул адамдардын жашоосунун сапатын жакшыртат”, – деди министр.
Министр ошондой эле республикада өндүрүлгөн продукциянын жана көрсөтүлүүчү кызматтардын сапатын жана коопсуздугун жогорулатуу стандартташтыруу жана метрология кызматкерлеринин ишмердүүлүгүнөн түздөн-түз көз каранды экенин баса белгиледи.
“Учурдан пайдаланып, министрликтин атынан жана жеке өзүмдүн атымдан Борбордун бардык кызматкерлерине жемиштүү эмгеги үчүн терең ыраазычылык билдирип, мындан аркы кесиптик ишмердүүлүгүндө ийгиликтерди, түгөнгүс күч-кубат, бакыт-таалай, бакубатчылык жана бакубатчылык каалайм!” – деди Амангелдиев.
Министрдин куттуктоо сөзүнөн соң сыйлыктарды тапшыруу аземи өттү.
