Кегети — Чыгыш Каракол унаа жолуна таш кулады
Кегети — Чыгыш Каракол унаа жолунун 23-чакырымына көлөмү 150 куб метр болгон таш кулады. Бул тууралуу Транспорт жана коммуникациялар министрлиги билдирет.
Маалыматка ылайык, анын кесепетинен мал өтүүчү жолдун тилкеси жабылып калган.
“Азыркы учурда аталган тилке толугу менен тазаланды. Жерине атайын техника жана эки кызматкер тартылган”, – деп айтылат маалыматта.
