Борбор калаанын түштүк тарабында көпүрө куруу менен жаңы жол курулат
Бишкек шаарынын мэри Айбек Джунушалиевдин катышуусу менен Жукеев-Пудовкин көчөсүн Токомбаев көчөсүнөн “Газпром”мектебине чейин улантуу жолунун курулушу башталды.
Белгилей кетсек, жол Жукеев-Пудовкин көчөсүндө Токомбаев көчөсүнөн “Газпром” мектебине чейин курулуп, ТБЧК үстүндөгү көпүрөнүн курулушу менен узундугу 1200 метрди түзөт.
Келечекте Куттубаев көчөсүнөн “Маариф” мектебине чейин жаңы көчө пайда болот, ал эми Молдобосанов көчөсү Байтик Баатыр көчөсүнөн Жукеев-Пудовкин көчөсүнө чейин уланат.
Ошондой эле Чыңгыз Айтматов проспектиси менен Байтик Баатыр жана Жукеев-Пудовкин көчөлөрүн бириктире турган көчө курулат.
Бул иш-чаралар борбордун түштүк-чыгыш бөлүгүндө жол инфраструктурасын өнүктүрүү жана борбордун түштүк-батыш жана түштүк-чыгыш бөлүктөрүн бириктирген транспорттук коридорлор менен камсыз кылуу максатында көрүлүүдө.
Бул Бишкек шаарынын ушул аймагындагы көчөлөрдү (Орто-Сай айылы, Чоң-Арык айылы, Байтик Баатыр, Жукеев-Пудовкин жана башка көчөлөрдү) жеңилдетет.
Жолдор курулуш компанияларынын салымынын эсебинен курулуп, 240 млн сомго жакын каражат каралган.
