Кыргызстанда 50 миң га кунарсыз жайытка үрөн себүү пландалууда
Кыргызстанда быйыл 50 миң гектар кунарсыз жерге жаңы жайыт үрөндөрүн себүү пландалууда. Бул тууралуу Бишкекте өткөн маалымат жыйында министрлер кабинетинин төрагасынын орун басары — суу ресурстары, айыл чарба жана кайра иштетүү өнөр жай министри Бакыт Төрөбаев билдирди.
Анын айтымына караганда, үрөн сатып алуу үчүн 60 млн сомго тендер жарыяланды.
Министрлик тарабынан 2023-жылы дээрлик 100 тонна үрөн сатып алынган, алар 10 миң гектар кунарсыз жайытка себилген.
