Жалал-Абад облусунда жылан уусунун ири партиясын сатуу аракетине бөгөт коюулду
![Жалал-Абад облусунда жылан уусунун ири партиясын сатуу аракетине бөгөт коюулду](https://eltr.kg/wp-content/uploads/2023/08/img-20230816-wa0006-850x560.jpg)
КР УКМК тарабынан Кыргыз Республикасынын Кылмыш-жаза кодексинин 292-беренеси (Сатуу максатында күчтүү таасир этүүчү же уулуу заттарды мыйзамсыз жүгүртүү) боюнча кылмыштардын бирдиктүү реестрине катталган материалдардын алкагында, күчтүү уулуу зат “Gurza – vipera Leberetna turaniga” ири партиясын сатуу аракети токтотулду.
Жүргүзүлгөн ыкчам-издөө иш-чараларынын натыйжасында, Ала-Бука районунун Ала-Бука айылынын аймагында аталган заттын 500дөн ашык ампуласын (1 ампула 5 г) сатып жаткан жеринен 1 чет мамлекеттин жараны жана 3 Кыргыз Республикасынын жараны кармалды.
Такталгандай, күчтүү жыландын уусунун партиясы коңшу мамлекеттердин биринен Кыргыз Республикасынын аймагына мыйзамсыз алынып келингендиги аныкталган. Кармалган зат фармакологияда жана медицинада, ошондой эле синтетикалык дарыларды өндүрүүдө колдонулат. 1 грамм гюрза уусунун баасы көмүскө базарларда 300дөн 600 АКШ долларына чейин бааланат.
Кармалгандар КР УКМКнын тергөө камак жайына киргизилди.
Тергөө иштери жүрүп жатат.