Жаңы окуу жылында өлкө боюнча 57 мектеп жана 20 бала бакча ачылат
2025-2026-окуу жылында өлкө боюнча 57 жаңы мектеп жана 20 жаңы бала бакчанын ачылышы күтүлүүдө. Бул тууралуу агартуу министри Догдуркүл Кендирбаева “Биринчи радионун” түз эфиринде билдирди.
Анын айтымында, мындан тышкары айрым мектептерде ири капиталдык оңдоп-түзөө иштери жүрүп жаткандыктан, алар жаңы окуу жылынын башында ачылбайт.
“Мындай мектептердин окуучулары убактылуу атайын ылайыкталган имараттарда же жакынкы башка мектептерде билим алышат. Аларга шарттар түзүлөт”, – деди министр.
Булак “Кабар” агенттиги
