Учурда өлкө аймагында жалпы 362 соцобъект курулууда
Учурда өлкө аймагында жалпы 362 социалдык объект курулууда. Бул тууралуу “Биринчи радионун” түз эфиринде курулуш, архитектура жана турак жай-коммуналдык чарба министринин орун басары Талантбек Иманакун уулу билдирди.
Анын айтымында, аталган объекттердин курулуш иштерине быйыл мамлекеттик бюджеттен 9 млрд сомго жакын каражат бөлүнгөн .
“Бул абдан жакшы көрсөткүч. Аймактарга бөлүп карай турган болсок: Чүй облусунда – 33, Баткен облусунда -27, Жалал-Абад облусунда – 99, Ысык-Көл облусунда – 43, Нарын облусунда – 35, Ош облусунда – 103, Талас облусунда – 22 соцобъект куруулуда.
Алардын ичинен:
- мектеп- 178;
- бала бакча- 98;
- саламаттык сактоо мекемелери – 21;
- маданий мекемелер – 12;
- спорттук мекемелер – 35;
- жана башка ар түрдүү соцобъекттердин саны – 18. Жыл соңуна чейин биз 200 соцобъекттин курулушун бүтүрөбүз”, – деди ал.
Ал белгилегендей, Курулуш, архитектура жана турак жай-коммуналдык чарба министрлиги куруудан сырткары, айрым соцобъекттерди капиталдык оңдоп–түзөөдөн да өткөрүп жатат.
“Быйыл имараттарды капиталдык оңдоп–түзөөгө дагы жакшы каражат бөлүнгөн.
Алсак:
- Чүй облусунда- 29;
- Баткен облусунда – 17;
- Жалал-Абад облусунда – 40;
- Ысык – Көл облусунда – 11;
- Нарын облусунда – 29;
- Ош облусунда – 33;
- Талас облусунда – 23 объект капиталдык оңдоп-түзөөдөн өтүүдө”, – деди ал.
Булак “Кабар” агенттиги
