Талас шаарындагы бардык абоненттерге “акылдуу” эсептегичтер орнотулат
“Кыргызстан улуттук электр тармагы” ачык акционердик коомунун филиалы — Талас электр тармактар ишканасы тарабынан Талас шаарында акылдуу электр эсептегич орнотуу иштери кызуу жүрүүдө.
Энергетика министрлигинен билдиришкендей, керектөөчүлөрдү үзгүлтүксүз электр энергиясы менен камсыздоо максатында Талас шаары үчүн 6 миң даана акылдуу эсептегичти орнотуу иштери жүрүп жатат. Бүгүнкү күндө алардын 2 миңге жакыны орнотулуп бүттү.
Жалпы Талас шаары боюнча акылдуу эсептегичтерди алмаштыруучу 1 фазалуу абоненттер 6 миң 161 абонент бар жана алар толугу менен акылдуу эсептегичтерге алмаштырылмакчы.
“Бул иштер техникалык жана коммерциялык жоготууларды азайтып, электр энергия менен камсыздоонун сапатын жогорулатат”, – деп айтылат маалыматта.
