ШКУга мүчө мамлекеттин статусун алуу максатында Беларустун милдеттенмелери жөнүндө меморандум ратификацияланды
Президент Садыр Жапаров “2023-жылдын 4-июлунда Нью-Дели шаарында кол коюлган Шанхай кызматташтык уюмуна мүчө мамлекеттин статусун алуу максатында Беларусь Республикасынын милдеттенмелери жөнүндө меморандумду ратификациялоо тууралуу” КР Мыйзамына кол койду.
Мыйзам 2023-жылдын 20-декабрында Жогорку Кеңеш тарабынан кабыл алынган.
Мыйзам 2023-жылдын 4-июлунда Нью-Дели шаарында кол коюлган Шанхай кызматташтык уюмуна мүчө мамлекеттин статусун алуу максатында Беларусь Республикасынын милдеттенмелери жөнүндө меморандумдун күчүнө кириши үчүн зарыл болгон мамлекеттик ички жол-жоболорду аткаруу максатында иштелип чыккан.
Шанхай кызматташтык уюмуна мүчө мамлекеттин статусун алуу максатында Беларусь Республикасынын милдеттенмелери жөнүндө меморандумга ШКУга мүчө мамлекеттердин башчыларынын Кеңешинин 2023-жылдын 4-июлундагы жыйналышынын жыйынтыгында кол коюлган.
Мыйзам расмий жарыяланган күндөн тартып күчүнө кирет.
