Президент Садыр Жапаровдун дарегине Жаңы жылга карата куттуктоолор келип түшүүдө
Германия Федеративдүү Республикасынын Федералдык Президенти Франк-Вальтер Штайнмайер Кыргыз Республикасынын Президенти Садыр Жапаровду Жаңы жыл менен куттуктап, тынчтык жана бактылуу жыл болушун каалады.
Норвегиянын Королу Харальд V Президент Садыр Жапаровду Жаңы жыл менен куттуктады.
Куттуктоо телеграммаларын Россия Өкмөтүнүн Төрагасы Михаил Мишустин, Россиянын Президентинин Администрациясынын Жетекчисинин орун басары Дмитрий Козак, БУУнун Башкы катчысынын Борбор Азия боюнча атайын өкүлү Каха Имнадзе жана Казакстандын Биринчи Президенти Нурсултан Назарбаевдер да жөнөтүштү.
****
Түркмөнстандын Халк Маслахатынын Төрагасы Гурбангулы Бердымухамедов Президент Садыр Жапаровду жана кыргызстандыктарды Жаңы жыл менен куттуктады
Түркмөнстандын Халк Маслахатынын Төрагасы Гурбангулы Бердымухамедов Кыргыз Республикасынын Президенти Садыр Жапаровду жана кыргызстандыктарды Жаңы жыл менен куттуктады.
“Келе жаткан 2025-жыл менен жылуу куттуктоомду кабыл алыңыз. Сизге чың ден соолук, бакыт-таалай жана бардык башталыштарыңызда жана умтулууларыңызда чоң ийгиликтерди каалайм. Жаңы жыл Сиз үчүн тынчтык жана бакубатчылык менен белгиленсин!”,- деп айтылат куттуктоо телеграммасында.
