ОшМУнун медклиникасында боор алмаштыруу операциясына даярдыктар жүрүүдө

Бүгүн саламаттык сактоо министри Алымкадыр Бейшеналиев ОшМУнун медициналык клиникасында болду. Бул тууралуу ведомстводон билдиришти.

Министр клиникадагы боор алмаштыруу операцияларын жасоого түзүлүп жаткан шарттар менен таанышып, клиниканын дарыгерлери менен жолугушту.

Учурда медициналык клиникада трансплантология бөлүмү ачылып, боор алмаштыруу операцияларын жосоого керектелүүчү эмеректер, медициналык жабдыктар менен толукталууда.

Белгиленгендей, клиниканын базасындагы алгачкы боор алмаштыруу операциясы Түркиянын Инөнү университетинин Тургут Озал атындагы клиникасынын дарыгерлери менен биргеликте жасалат.

Учурда боор алмашытырууга муктаж болгон бейтаптар кайрылып, дарыгерлерден кеп-кенештерин алууда. Алгачкы беш бейтапты операцияга даярдоо иштери жүрүп жатат. Май айынын аягында алгачкы операциялардын жасалуусу күтүлүүдө.