Ош окуяларынын уюштуруучуларынын бири катары издөөдө болгон Караматхон Абдуллаева кармалды

Ош окуяларынын уюштуруучуларынын бири катары издөөдө болгон Караматхон Абдуллаева кармалды. Бул тууралуу Ош шаардык ички иштер башкармалыгынын басма сөз кызматы билдирди.

Улуттук коопсуздук мамлекеттик комитетинин жана Ош шаардык ички иштер башкармалыгынын кызматкерлеринин биргелешкен ыкчам иш аракеттеринин натыйжасында, 22-апрелде мурда издөөдө жүргөн Караматхон Абдуллаева кармалды.

Сырттан соттолгон К.Абдуллаева Ош ШИИБнын убактылуу кармоочу жайына киргизилди. К.Абдуллаева 2010-жылдагы Ош окуяларынын уюштуруучуларынын бири катары издөөдө болгон. 2014-жылы сырттан 16 жылга соттолгон.

Толугураак маалымат кийинчерээк берилет.