Нарын шаарында 2700 көчөт отургузулду
Нарын шаарында уга чейин кыйылган бактардын ордуна жаңы көчөттөр тигилип, эски күмбөздөр орду паркка айланды. Бул тууралуу Нарын шаардык мэриясынын басма сөз кызматы билдирди.
Нарын шаарында массалык түрдө көчөт отургузуу иш чарасы уюштурулду. Демөөрчүлөр тарыбынан алынып келинген карагайдын, алманын, ак кайыңдын жана теректин көчөттөрү Москва аймагындагы Муса Жусаев паркына жана МДС аймагындагы күмбоздөрдүн ордуна тигилип, сугарылды.
Көчөт отургузуу иш чарасына облустук, шаардык жана райондук мекеме-ишкана кызматкерлери тартылып, жалпысынан 2700 түп көчөт тигилди.
Көчөттөр Нарын шаарынын мэри Канболот Тутуевдин сүйлөшүүсүнө ылайык Нарын шаарынын туруктуулугун жогорулатуу парограммасынын каржылоосунда жана MSDSP KG программасынын жана Нарын токой чарбасынан жана башка фонддордун жардамы менен алынып келинген.
