Министрлер кабинетинин төрагасы жогорку окуу жайлардын студенттерине лекция окуду

Министрлер кабинетинин төрагасы Акылбек Жапаров Ж.Баласагын атындагы Кыргыз улуттук университетинин студенттери жана профессордук-окутуучулар жамааты үчүн меймандык лекциясын окуду.

Министрлер кабинетинин басма сөз кызматынан кабарлашкандай, иш-чарага ОшМУнун жана Ош техникалык университетинин студенттери онлайн режиминде катышты.

Министрлер кабинетинин башчысы дүйнөлүк экономикалык тенденциялар, өкмөттүн ишинин артыкчылыктуу багыттары, өлкөдө жүргүзүлүп жаткан реформалар, стратегиялык инфраструктуралык долбоорлорду ишке ашыруу жана министрлер кабинетинин 2024-жылга карата пландары тууралуу айтып берди.