Кыргызстанда жыл башынан бери 35,2 миң жаран пенсияга чыкты

Кыргызстандын Социалдык фонду 2024-жылдын январь-июль айларында 35 миң 248 жаранга пенсия чектеди.

Маалыматка ылайык, анын ичинде июль айында 1 миң 205 жаранга пенсия чектелди.

Андан тышкары, эмгек стажы, эмгек акысы, окуусу жана майыптыгы боюнча 271 пенсионерге кошумча берилген документтерге ылайык пенсиялар кайрадан эсептелинди.