Кыргызстанда ВИЧтин дээрлик 15 миң учуру катталган

2025-жылдын 1-августуна карата Кыргызстанда ВИЧ инфекциясынын 14 989 учуру катталган. Бул тууралуу Республикалык Гемоконтакттык вирустук гепатит жана ВИЧ илдети менен күрөшүү борбору билдирди.

Алардын 14 миң 105и өлкөнүн жарандары, 884ү чет элдиктер экени айтылат.

Эпидемияга мониторинг жүргүзүү учурунда Кыргызстанда 3698 адам каза болду. 2024-жылы эле ВИЧ илдети Кыргызстандын 975 жаранында биринчи жолу аныкталган, ал эми 457 адам (46,7%) чет өлкөдө миграцияда жүргөнүн билдирген.

2025-жылдын январь-август айларында 634 адамда ВИЧ инфекциясы аныкталган, алардын 294ү (46,3%) да чет өлкөдө миграцияда жүргөнүн билдирген.