Кыргызстанда 2024-жылдын I кварталында 2,7 миң үй жана батир пайдаланууга берилди

2024-жылдын январь-март айларында 2,7 миң жеке турак жай жана батир пайдаланууга берилди. Бул тууралуу Бишкекте өткөн брифингде Улуттук статистикалык комитеттин төрагасынын орун басары Зайнидин Жумалиев билдирди.

Ал белгилегендей, алардын жалпы аянты 317 миң чарчы метрди түзөт.

Анын маалыматына ылайык, бул көрсөткүч былтыркы жылдын ушул мезгилине салыштырмалуу 54,6%га көп.