Кыргызстан жашыл энергетика жана көмүр өнөр жай тармагында кытайлык 22 өнөктөш менен кызматташууда
Энергетика министри Таалайбек Ибраев Кытайдын элчиси менен жолугушту.
Министрликтен билдиришкендей, КРнын энергетика министри Таалайбек Ибраев Кытай Эл Республикасынын Кыргызстандагы элчиси Лю Цзянпинди кабыл алды. Жолугушууга элчинин кеңешчиси Ли Баоцзе, соода-экономикалык иштер боюнча кеңешчи – Юй Чжиган, Чжан Фэн – элчиликтин үчүнчү катчысы жана элчинин жардамчысы – Ван Цзэнань катышты.
Министр Таалайбек Ибраев белгилегендей, жашыл энергетика жана көмүр өнөр жайы тармагындагы долбоордук кызматташтыктын алкагында Кыргызстан Кытайдан келген 22 өнөктөш менен кызматташууда. Бул долбоорлор энергетика жана инфраструктура боюнча кызматташтыкты андан ары өнүктүрүү үчүн жогорку потенциалга ээ жана эки тараптын тең узак мөөнөттүү экономикалык кызыкчылыктарынын ачкычы болуп саналат.
Ал эми элчи Лю Цзянпин министр менен болгон жолугушуунун маанилүүгүн баса белгилеп, мындан ары кызматташууну тереңдетүүгө даяр экенин айтып өттү. Аны менен катар ал Кыргызстан менен кызматташкан кытайлык компаниялардын ишин көзөмөлгө алаарын жана ар бир кол коюлган документтердин, долбоорлордун ишке ашырышын тездетээрин билдирди.
Тараптар өткөн жыл жогорку активдүүлүк менен коштолуп, биздин кызматташтыкты ар тараптан өнүктүрүү үчүн бекем пайдубал түптөлгөндүгүн канааттануу менен белгилешти.
