Кыргыз ССРнин эл артисти Нурдин Түгеловдун 100 жылдыгы белгиленүүдө

Кыргыз ССРнин эл артисти, кыргыз совет балет артисти, балетмейстер жана педагог Нурдин Түгеловдун 100 жылдыгы белгиленүүдө.

Анын урматына 16-декабрь саат 18-00до Т. Сатылганов атындагы Кыргыз улуттук филармониясынын чоң залында 1966-жылы өзү негиздеген «Ак марал» мамлекеттик бий ансамблинин концерти болот.

Ал эми 18-декабрь күнү анын элесине арналган, М. Раухвергердин «Чолпон» балети Кыргыз улуттук опера жана балет театрында коюлат.

Нурдин Түгелов 1935-1941-жылдары Ленинград хореографиялык окуу жайында окуган. 1941-1942-жылдары жана 1945-жылдан Кыргыз опера жана балет театрынын (Фрунзе) балет труппасынын солисти, 1950-жылдан балетмейстер, 1958-1964-жылдары ушул театрдын башкы балетмейстери болгон. 1946-жылдан Фрунзе хореографиялык окуу жайында сабак берген. 1966-жылы Кыргыз Республикасындагы жалгыз профессионал бий тобу болгон «Ак марал» мамлекеттик бий ансамблин негиздеген.