Коопсуздук кеңешинин катчысы Марат Иманкулов ЖККУнун Башкы катчысы Имангали Тасмагамбетов менен жолугушту
![Коопсуздук кеңешинин катчысы Марат Иманкулов ЖККУнун Башкы катчысы Имангали Тасмагамбетов менен жолугушту](https://eltr.kg/wp-content/uploads/2023/09/fb_img_1693999703805-850x560.jpg)
Кыргыз Республикасынын Коопсуздук кеңешинин катчысы Марат Иманкулов бүгүн, 6-сентябрда, Жамааттык коопсуздук жөнүндө келишим уюмунун (ЖККУ) Башкы катчысы Имангали Тасмагамбетов менен жолугушуу өткөрдү.
Жолугушууда ЖККУнун 2023-жылдын аягына чейин пландалган иш-чараларына, анын ичинде Кыргыз Республикасынын аймагында ЖККУнун Тынчтык орнотуучу күчтөрү менен өтүүчү “Бузулбас боордоштук-2023” биргелешкен машыгуусуна даярдык маселелери талкууланды.
Мындан тышкары, регионалдык коопсуздуктун, орун алган жана жаңы чакырыктарга жана коркунучтарга натыйжалуу жооп кайтаруунун, Кыргыз Республикасынын ЖККУга мүчө-мамлекеттер менен өз ара пайдалуу кызматташтыгын бекемдөөнүн актуалдуу маселелери боюнча пикир алышуу болду.
Ошондой эле Уюмдун Башкы катчысынын Кыргызстандын бир катар министрлик жана ведомстволорунун жетекчилери менен жолугушуулары өттү.