Кең-Суу айылына электр энергиясы киргизилүүдө
Бүгүнкү күндө Жумгал районунун Кең-Суу айылына электр энергиясы киргизилип жатат.
Кыргыз Республикасынын Президенти Садыр Жапаровдун тапшырмасынын негизинде Президенттин кеңешчиси Болот Ибрагимовдун жардамы менен 1 миллион 400 миң сомго 90 даана электр мамычасы (столба) сатып алынып, жерине жеткирилип берилген. Учурда орнотуу иштери жүрүп жатат.
Мындан сырткары Нарын облусунун “Теңир Тоо” өнүктүрүү фондунан 6 миллион сом бөлүнүп, кошумча жабдууларды алуу каралууда.
Бул каражатка чакан айыл электр энергиясы менен толук камсыз болоору кутүлүүдө.
Белгилей кетсек, буга чейин Кең-Суу айылында электр жарыгы болгон эмес.
Бул маселени чечип берген өлкө башчыбыз Садыр Нургожоевич Жапаровго жана көмөк көрсөткөн бардык тараптарга ыраазычылык билдиребиз.
