Кара-Суу районунун Отуз-Адыр айылындагы жаңы мектеп быйыл бүткөрүлөт
Ош облусунун Кара-Суу районуна караштуу Отуз-Адыр айылындагы жаңы мектеп быйыл бүткөрүлөт. Бул тууралуу КРнын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин басма сөз кызматы билдирди.
Окуу имаратынын аяктоо жана пайдаланууга берүү 2023-жылдын 1-сентябрь айына пландаштырылган.
Бүгүнкү күндө окуу имаратынын сырткы жана ички сырдоо иштери толук бүткөрүлүп, терезе жана эшиктер толугу менен орнотулду. Отказан орнотулуп жылытуу системасы толугу менен бүткөрүлдү.
Белгилей кетсек, аталган окуу жайдын курулушу Кыргыз Республикасынын Президентинин 100 мектепти 2023-жылы аяктоо жөнүндө тапшырмасына ылайык жүргүзүлүүдө.
