Кара-Суу району пахтаны Кытай, Россия, Латвия, Иран жана Пакистанга экспорттойт
Ош облусунун Кара-Суу районундагы Ала-Тоо айыл өкмөтүндө “Коттон Текстиль Фэктори” ишканасынын базасында пахта кластеринин ишмердүүлүгү менен таанышуу максатында талаа күнү уюштурулду. Анда жергиликтүү дыйка-фермерлер менен жолугушуу болуп, аларды түйшөлткөн маселелер, быйылкы жылдын түшүмдүүлүгү жана өндүрүлгөн продукцияларды экспорттоо жаатында пикир алмашуу болду.
Белгилей кетсек, Кара-Суу районунундагы 2025-жылдагы пахтанын түшүмдүүлүгү гектарына 3,5–4,0 тоннадан болушу күтүлүүдө. 1 тонна пахта буласынын баасы 1600–1700 АКШ долларын түзсө, чийки пахтанын баасы 1 кг үчүн 60–70 сомдон болоору болжолдонууда. Кайра иштетүүдөн чыккан пахта буласы Турция, Кытай, Россия, Латвия, Иран жана Пакистан өлкөлөрүнө келишимдин негизинде экспорттолот.
