Быйыл Ысык-Көлдө 27 соцобъектини пайдаланууга берүү пландалууда
Быйыл Ысык-Көл облусу боюнча 27 социалдык объектини пайдаланууга берүү пландалууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, учурда облустун аймагында жалпы 43 социалдык объектте курулуш иштери жүргүзүлүп, дагы 11 объект капиталдык оңдоп-түзөөдөн өткөрүлүүдө.
Ошондой эле 6 айылды ичүүчү таза суу менен камсыз кылуу иштери аткарылууда.
Белгиленгендей, аталган курулуштардын бардыгы республикалык бюджеттин эсебинен каржыланууда.
