Боомдо баткакта жол кыймылын көзөмөлдөгөн кызматкер сыйланды
Боом капчыгайында сел жүрүп, жол жабылган учурда батканта унаа кыймылын көзөмөлдөгөн кызматкер сыйланды. Бул тууралуу Чүй облустук ички иштер башкы башкармалыгынын басма сөз кызматы билдирди.
Маалыматка ылайык, 5-август күнү Бишкек-Нарын-Торугарт унаа жолунун 135-136 чакырымында “Боом” капчыгайында сел жүрүп кеткен.
“Натыйжада жол эки тарапка тең тосулган. Окуяга күбө болгондор тизесине чейин ылайга баткан Жол кыймылынын коопсуздугун камсыздоо башкармалыгынын кызматкеринин видеосун бөлүшкөн.
Бүгүн, 9-август күнү Чүй ОИИББ боюнча ЖКККБнын жетекчилиги тарабынан милициянын прапорщиги Бейшенбаев Джалилдин Үметбековичке ыраазычылык билдирип, куттуктоо сөздөр айтылып кол саат белеги тапшырылды”, – деп айтылат маалыматта.
