Бишкекте таштанды ташыган унаа өрттөндү
Бишкек шаарынын Ленин районунда К.Акиев менен Ж.Бөкөнбаев көчөлөрүнүн кесилишинде таштанды ташуучу унаадан өрт чыккан. Бул тууралуу КРнын ӨКМнин пресс-борбору билдирди.
Өрттү өчүрүүгө саат 11:09да Биринчи Май райондук №8 АӨКБдан 1 бөлүм тартылып, саат 11:52де толук өчүрүлдү.
Такталган маалымат боюнча жабыркагандар жок. Учурда өрттүн келип чыгуу себеби такталууда.
