Бишкекте коомдук транспортту аялдамаларда токтотуу эрежелеринин сакталышы боюнча рейд өткөрүлдү
“Бишкек троллейбус башкармалыгы” муниципалдык ишканасынын кызматкерлери Бишкек ШИИББы боюнча МККБнын ТКБнүн кызматкерлери менен биргеликте рейд жүргүздү.
Рейддин максаты – айдоочуларга маалымат берүү жана жүргүнчүлөрдү туура отургузуу жана түшүрүү боюнча эскертүүлөрдү берүү. Мындан сырткары аялдамадагы жүргүнчүлөргө да аялдамалардагы жүрүм-турум эрежелери түшүндүрүлдү.
Бишкек ШИИББы боюнча МККБнын ТКБнүн кызматкерлери аялдамаларда токтоп турган унаалардын айдоочуларына токтоо эрежесин бузгандыктарын түшүндүрүштү. Аларга эскертүүлөр берилди.
Биргелешкен иш-чаралар жол тыгындарын жана кырсыктарды алдын алууга багытталган.
Рейд саат 8.00дөн 10.00гө чейин эки жумада бир жүргүзүлүп турат.
