Бишкекте “Өнөр ааламы – ArtSpace” республикалык маданият форуму өттү
Улуттук тарых музейинде “Өнөр ааламы – ArtSpace” республикалык маданият форуму өттү. Иш- чаранын жүрүшүнө Маданият, маалымат, спорт жана жаштар саясаты министринин орун басары Түмөнбай Колдошов катышып, маданий саамалыктын өтүп жатышы жана анын мааниси тууралуу сөз сүйлөп, аталган форумга колдоо көрсөткөн бардык тараптарга жана уюштуруучуларга ыраазычылык билдирди.
Иш-чара “Устатшакирт” салттык музыка борбору тарабынан уюштурулуп, ал музыка, театр, улуттук аспаптарды өздөштүрүү, балдар ансамбли, мультимедиа боюнча кошумча сабактардын программаларын иштеп чыгуу менен Кыргызстандын булуң-бурчунда 50дөн ашык мектепте ийгиликтүү окутулуп келгендиги менен белгилүү.
