“Бишкек шаарынын “Жашыл шаар иш-аракеттер планы” долбоорунун бет ачары өттү
«Бишкек шаарынын “Жашыл шаар иш-аракеттер планы» долбоорунун бет ачары болуп өттү.
Муниципалитеттен билдиришкендей, иш-чарага мэрдин биринчи орун басары Мирланбек Байгончоков, Япониянын Кыргызстандагы элчиси Хидеки Года жана Европа реконструкциялоо жана өнүктүрүү банкынын аймактык директору Айтен Рустамова катышты.
Иш-чаранын катышуучулары бул долбоор Бишкек шаарынын экологиясын өнүктүрүү жана коргоо үчүн зарыл жана маанилүү экенин белгилешти.
«Бишкек шаарынын “Жашыл шаар иш-аракеттер планы» долбоору экологиялык маанилүү факторлорду эске алуу менен «жашыл» шаарды түзүү программасы болуп саналат.
Иш-чараны Бишкек шаарынын мэриясы Европа реконструкциялоо жана өнүктүрүү банкынын, Япония өкмөтүнүн жана Эл аралык консалтинг компаниясы – NTT DATA колдоосу менен уюштурган.
