Бир аптада 415 айдоочу мас абалында унаа башкарганы аныкталды

31-июлдан 6-августка чейин өлкө аймагында алдын ала маалымат боюнча, 28 753 жол кыймылынын эрежелерин бузуу фактысы аныкталды.

Жол кыймылынын коопсуздугун камсыздоо башкы башкармалыгынан билдиришкендей, анын ичинен:

• тиешелүү документтери жок унаа башкаруу – 4 502;
• мас абалында унаа башкаруу – 415;
• унаанын терезелерин мыйзамсыз караңгылатуу – 207;
• жөө жүргүнчүлөр катышкан жол кыймылынын эрежелерин бузуу – 841;
• унааны эксплуатациялоо эрежелерин бузуу – 4 582;
• автоээнбаштык – 33;
• белгиленген ылдамдык чегинен ашуу – 1 567;
• жасалма мамлекеттик номер менен унаа башкаруу – 8;
• башка жол кыймылынын эрежелерин бузуу фактылары – 13 357.

Мындан тышкары, башка жол эрежелерин бузгандыгы үчүн 3 241 унаа айып короого токтотулган.

ЖКККББ айдоочуларды жана жөө жүргүнчүлөрдү жол кыймылынын эрежелерин так сактоого жана жолдогу коопсуздукка жоопкерчиликтүү мамиле кылууга чакырат.