Ашууларда кар жаап, жол тазалоо иштери тынымсыз жүрүүдө
Аба ырайынын кескин өзгөрүшүнөн улам көпчүлүк аймактарда кар жаап, жол тазалоо иштери тынымсыз жүрүүдө.
Транспорт жана коммуникациялар министрлигинин маалымат кызматы билдиргендей, “Кыргызавтожол-Түштүк” жана “Кыргызавтожол-Түндүк” мамлекеттик ишканалары тарабынан күнү-түнү кум-туз аралашмасын себүү жумуштары аткарылып жатат.
Ал эми Бишкек-Ош жолундагы Сосновка постунда саат 22:30дан тарта жана Суусамыр-Талас-Тараз жолунун 60-чакырымындагы Өтмөк ашуусунда саат 23:30дан тарта оор жүк ташуучу унааларга киргизилген убактылуу чектөө азырынча күчүндө турат.
Жеңил унааларга каттам бар.
“Министрлик кандай кырдаал жаралбасын каршы тилкеге чыкпай, жол эрежесин так сактоого чакырат”,-деп айтылат маалыматта.
