Анжиянда кыргыз-өзбек демаркация комиссиясынын сүйлөшүүлөрү өттү
2023-жылдын 21-ноябрынан 26-ноябрына чейин Өзбекстан Республикасынын Анжиян шаарында кыргыз-өзбек биргелешкен демаркация комиссиясындагы Кыргыз Республикасынын жана Өзбекстан Республикасынын өкмөттүк делегацияларынын жумушчу топторунун жолугушуусу болуп өттү.
Сүйлөшүүлөрдүн жүрүшүндө кыргыз-өзбек мамлекеттик чек арасын демаркациялоо маселелери талкууланып, чек аранын айрым тилкелеринде жеринде изилдөө иштери жүргүзүлдү.
Сүйлөшүүлөр өз ара түшүнүшүү жана достук маанайда өттү.
Иш-чаранын жыйынтыгында тиешелүү протоколго кол коюлду.
