Алкоголсуз суусундуктарга 78 млн сомдон ашык акциз салыгы чогултулду

Мамлекеттик салык кызматы ТЭИ ТН 2202 товардык позициясында классификацияланган алкоголсуз суусундуктарга акциз салыгын салуу башталган учурдан – 2022-жылдын 1-июлунан тартып 78,4 млн сом чогулткан.

Чогултулган суммадан өндүрүлүүчү продукцияга – 37,1 млн сом акциз салыгын жана импорттолуучу продукцияга – 41,2 млн сомду түзөт.

Эске салсак, 2022-жылдын 1-июлунан тартып ТЭИ ТН 2202 товардык позициясында классификацияланган сергитүүчү (энергетикалык) алкоголсуз суусундуктарды өндүрүү жана Кыргыз Республикасынын аймагына импорттоо акциздик салык салынууга жатат.

Кыргыз Республикасынын Министрлер Кабинетинин 2022-жылдын 22-февралындагы № 94 токтомуна ылайык акциздин ставкасы 1 литр үчүн 1 сомду түзөт.