Акылбек Жапаров Бишкек жана Кыргызстандын епискобун кабыл алды

Министрлер Кабинетинин Төрагасы Акылбек Жапаров Бишкек жана Кыргызстандын жаңы дайындалган епискобу Савватийди кабыл алды.

Министрлер Кабинетинин башчысы епископту кызматка дайындалышы менен куттуктап, ишинде ийгиликтерди каалады.

Акылбек Жапаров республиканын жетекчилигинин атынан Орус православ чиркөөсүнүн патриархы Кириллдин ден соолугун сурады.

Жолугушууда конфессиялар аралык ынтымакты чыңдоо, диний чөйрөдөгү өз ара аракеттенүүнүн актуалдуу маселелери талкууланды.