“Айыл чарбасын каржылоо-12” долбоорунун алкагында 656,8 млн сом жеңилдетилген насыя берилди

2024-жылы айыл чарба иштерине республиканын айылдык товар өндүрүүчүлөрүнө мамлекеттик колдоо көрсөтүү максатында, Кыргыз Республикасынын Министрлер Кабинетинин 2024-жылдын 26-январындагы №22-т тескемеси менен “Айыл чарбасын каржылоо-12” Долбоору бекитилген.

Аталган Долбоорду ишке ашырууга “Айыл Банк” жана “РСК Банк” ачык акционердик коомдору катышууда.

Кредиттөөнүн көлөмү 5,0 млрд сом.

2024-жылдын 4-апрелине карата “Айыл чарбасын каржылоо-12” Долбоордун алкагында республиканын 1 554 айылдык товар өндүрүүчүлөрүнө 656,8 млн сом суммасына жеңилдетилген кредит берилди.