Айсулуу Тыныбекова үчүнчү жолу Дүйнө чемпиону болду

Кыргыз Республикасынын кыз-келиндер күрөшү боюнча улуттук курама командасынын мүчөсү Айсулуу Тыныбекова Белград шаарында (Сербия) өтүп жаткан Дүйнө чемпионатында алтын медаль тагынды.

Спортчу 62 кг чейинки салмакта алгач, алгач польшалык балбанды 8:2 эсебинде, 1/8 финалдык беттешинде Андорралык балбанды 10:0 эсебинде жеңген.

Ал эми, 1/4 финалда Украиналык балбанды утуп, жарым финалда Германиялык спортчуну 4:2 эсебинде жеңип, Париж олимпиадасына жолдомо алды.

Финалдык беттеште япониянын балбанын жеңип алтын медаль тагынды.

Белгилей кетсек, буга чейин 76 кг чейинки салмак категориясында Айпери Медет кызы күмүш медалга ээ болгон.