Адылбек Касымалиев Кытайдын Кыргызстандагы Атайын жана Ыйгарым укуктуу Элчисин кабыл алды

Кыргыз Республикасынын Министрлер Кабинетинин Төрагасы-Президенттин Администрациясынын Жетекчиси Адылбек Касымалиев Кытай Эл Республикасынын Кыргыз Республикасындагы Атайын жана Ыйгарым укуктуу Элчиси Лю Цзянпинди кабыл алды.

Министрлер Кабинетинин башчысы Кытай Эл Республикасы Кыргыз Республикасынын негизги стратегиялык өнөктөштөрүнүн бири экенин баса белгилеп, өз ара сыйлашуу, ишеним жана коңшулаштык принциптеринде өнөктөштүктү мындан ары да тереңдетүүгө умтуларын белгиледи.

Өз кезегинде Атайын жана Ыйгарым укуктуу Элчи Лю Цзянпин кытай тараптын эки тараптуу кызматташтыкты чыңдоого даярдыгын ырастады. Жолугушуунун жүрүшүндө тараптар Кыргызстан менен Кытайдын ортосундагы эки тараптуу кызматташтыктын учурдагы абалын жана келечегин талкуулап, биргелешкен инфраструктуралык жана инвестициялык долбоорлорду ишке ашыруу, соода-экономикалык байланыштарды жана маданий-гуманитардык кызматташтыкты тереңдетүү маселелерине көңүл бурушту.

Тараптар ошондой эле Астана шаарында өткөн «Борбордук Азия – Кытай» саммитинин алкагында эки өлкөнүн лидерлеринин эки тараптуу жолугушуусунда маанилүү макулдашууларга жетишилгенин белгилешти. Жолугушуунун соңунда тараптар жогорку деңгээлдеги саясий диалогду улантууга жана өз ара кызыкчылык туудурган долбоорлорду ишке ашырууга өз ара кызыкдар экендиктерин ырасташты.