Кыргызстанда 1-класска электрондук каттоонун II этабы 30-августка чейин созулат
Кыргызстанда 3-июндан 30-августка чейин мамлекеттик жана муниципалдык мектептердин 1-классына балдарды электрондук каттоонун II этабы жүрүп жатат. Бул тууралуу Билим берүү жана илим министрлигинен билдиришти.
Экинчи этапта каттоо катталган жерине карабастан, бош орундары бар мектепке жүргүзүлөт.
Баланы каттоо үчүн ата-энелери же мыйзамдуу өкүлдөрү мектепке жана бала бакчага балдарды кабыл алуу боюнча mektep.edu.gov.kg маалыматтык система аркылуу өтүнмө жибере алышат.
