Токтогул суу сактагычындагы суунун көлөмү көбөйүүдө

31-майга карата Токтогул суу сактагычында суунун көлөмү 9 млрд 853 млн куб метрди түздү. Бул тууралуу “Электр станциялары” ААКнын басма сөз кызматы билдирди.

Маалыматка ылайык, суунун агып келиши секундасына 923 куб метрди түзсө, сууну керектөө секундасына 201 куб метрди түзүүдө.

Өлкөнүн энергетиктери керектөөчүлөрдү электр энергиясын сарамжалдуу пайдаланууга чакырат.