Аялдарга карата зомбулук. Аймактарда 2 миң 435 участкалык милиционер иш алып барууда
Кыргызстандын жер-жерлеринде 2 миң 435 участкалык милиционер аялдарга карата зордук-зомбулукту алдын алуу боюнча иш алып барууда. Бул тууралуу ички иштер министри Улан Ниязбеков маалымат жыйын учурунда билдирди.
Анын айтымында, милиция кызматкерлери тобокелдик топко кирген адамдарга түшүндүрүү иштерин жүргүзүүдө.
“Кочкордо кечки саат 11лерде жаран аялын сабап өлтүрүп, анан өзүнө кол салган окуя болду. Милиционер күнү-түнү алардын жанында боло албайт экен. Анткени алар кылмыштуулук, мал уурулук, ошондой эле сел, көчкү жүргөн жерде жол жаап, жол кыймылын көзөмөлдөө сыяктуу дагы иш алып барат”, – дейт ал.
